Judaa bhi honay ka andheshaa seh nahin saktey,
Hum aik sheher mein ab khush bhi reh nahin saktey,
Yeh roz-o-shab hain hamarey ke aik dusrey se,
Chupaye phirtey hain ehwaal, keh nahin saktey,
Shakist-e-zaat ka izhaar chahtey bhi nahin,
Ajeeb haal hai, hum chup bhi reh nahin saktey,
Haqeeqton ki chattanain bhi apni raah main hain,
Khayal-o-khawb ke daryaa main beh nahin saktey,
Woh be’qasoor hai, aesi bhi koi baat nahin,
Qasoor’waar hain hum, yeh bhi keh nahin saktey..
💌 Enjoyed this post? Never miss out on future posts by
following us via email.
No comments:
Post a Comment
Please don't enter any Spam link in the comment box.