مجھ کو بیگانہ کر گئے میرے دن
مجھ سے ہو کر گزر گئے میرے دن
اب نا کوئی دن میرے گھر جائے گا
جانے کس کے گھر گئے میرے دن
اب نہیں ہیں میرے کوئی دن رات
کے مجھ ہی کو بسر گئے میرے دن
ساری راتیں گئیں میری بے حال
میرے دن ! بے اثر گئے میرے دن
خوشا اب انتظار ہے نا امید
یار یاراں ! سدھر گئے اب دن
اب میں بس رہ گیا ہوں راتوں میں
مر گئے “جون” ! مر گئے میرے دن
No comments:
Post a Comment
Please don't enter any Spam link in the comment box.