پانی آنکھ میں بھر کر لایا جاسکتا ہے

پانی  آنکھ  میں  بھر  کر  لایا  جاسکتا  ہے 

اب  بھی  جلتا  شہر  بچایا  جا  سکتا  ہے 

ایک  محبت  اور  وہ  بھی  ناکام  محبت 

لیکن  اس  سے  کام  چلایا  جا  سکتا  ہے 

دل  پر  پانی  پینے  آتی  ہیں  امیدیں

اس  چشمے  میں  زہر  ملایا  جاسکتا  ہے 

مجھ گمنام سے پوچھتے ہیں فرحادُ مجنوں 

عشق  میں  کتنا  نام  کمایا  جا  سکتا  ہے 

یہ  مہتاب  یہ  رات  کی  پیشانی  کا  گهاؤ 

ایسا زخم  تو  دل  پر  کھایا  جاسکتا  ہے 

پھٹا پرانا  خواب ہے  میرا  پھر  بھی  تابش 

اس  میں  اپنا  آپ  چھپایا  جاسکتا  ہے