یہ جفائے غم کا چارہ ، وہ نَجات دل کا عالم​

یہ جفائے غم کا چارہ ، وہ نَجات دل کا عالم​

ترا حُسن دستِ عیسیٰ ، تری یاد رُوئے مریم​

دل و جاں فدائے راہے کبھی آکے دیکھ ہمدم​

سرِ کوئے دل فگاراں شبِ آرزو کا عالم​

تری دِید سے سوا ہے ترے شوق میں بہاراں​

وہ چمن جہاں گِری ہے ترے گیسوؤں کی شبنم​

یہ عجب قیامتیں ہیں تری رہگزر میں گزراں​

نہ ہُوا کہ مَرمِٹیں ہم ، نہ ہُوا کہ جی اُٹھیں ہم​

لو سُنی گئی ہماری ، یُوں پِھرے ہیں دن کہ پھر سے​

وہی گوشۂ قفس ہے ، وہی فصلِ گُل کا ماتم​

لاہورجیل

فروری، 1959

​

💌 Enjoyed this post? Never miss out on future posts by following us via email.