​حسینہ ء خیال سے!

    مجھے دے دے۔۔۔        

رسیلے ہونٹ، معصومانہ پیشانی، حسیں آنکھیں

کہ میں اک بار پھر رنگینیوں میں غرق ہو جاؤں!

مری ہستی کو تیری اک نظر آغوش میں لے لے

ہمیشہ کے لیے اس دام میں محفوظ ہو جاؤں

ضیائے حسن سے ظلماتِ دنیا میں نہ پھر آؤں

گزشتہ حسرتوں کے داغ میرے دل سے دھل جائیں

میں آنے والے غم کی فکر سے آزاد ہو جاؤں

مرے ماضی و مستقبل سراسر محو ہو جائیں

مجھےوہ اک نظر، اک جاودانی سی نظر دے دے

💌 Enjoyed this post? Never miss out on future posts by following us via email.