Major Ishaq Ki Yad Main

میجر اسحاق کی یاد میں​

​

لو تم بھی گئے ہم نے تو سمجھا تھا کہ تم نے​

باندھا تھا کوئی یاروں سے پیمانِ وفا اور​

​

یہ عہد کہ تا عمرِ رواں ساتھ رہو گے​

رستے میں بچھڑ جائیں گے جب اہلِ صفا اور​

​

ہم سمجھے تھے صیّاد کا ترکش ہوا خالی​

باقی تھا مگر اس میں ابھی تیرِ قضا اور​

​

ہر خار رہِ دشت وطن کا ہے سوالی​

کب دیکھیے آتا ہے کوئی آبلہ پا اور​

​

آنے میں تامّل تھا اگر روزِ جزا کو​

اچھا تھا ٹھہر جاتے اگر تم بھی ذرا اور​