Zikr Bhi Us Se Kia Bhla Mera-Us Se Rishta Hi Kya Raha Mera

ذکر بھی اس سے کیا بھلا میرا
اس سے رشتہ ہی کیا رہا میرا

آج مجھ کو بہت برا کہہ کر
آپ نے نام تو لیا میرا

آخری بات تم سے کہنا ہے
یاد رکھنا نہ تم کہا میرا

اب تو کچھ بھی نہیں ہوں میں ویسے
کبھی وہ بھی تھا مبتلا میرا

وہ بھی منزل تلک پہنچ جاتا
اس نے ڈھونڈا نہیں پتہ میرا

تجھ سے مجھ کو نجات مل جائے
تو دعا کر کہ ہو بھلا میرا

کیا بتاؤں بچھڑ گیا یاراں
ایک بلقیس سے سبا میرا

 گمان -جون ایلیا(Jun Elia)