!او میرے وطن
!او میرے وطن! او میرے وطن! او میرے وطن
مرے سر پر وہ ٹوپی نہ رہی
جو تیرے دیس سے لایا تھا
پاؤں میں وہ اب جوتے بھی نہیں
واقف تھے جو تیری راہوں سے
مرا آخری کُرتا چاک ہوا
ترے شہر میں جو سِلوایا تھا
اب تیری جھلک
بس اُڑتی ہوئی رنگت ہے میرے بالوں کی
یا جُھرّیاں میرے ماتھے پر
یا میرا ٹوٹا ہوا دل ہے
!او میرے وطن! او میرے وطن! او میرے وطن
No comments:
Post a Comment
Please don't enter any Spam link in the comment box.