Urdu Mehfil

If you want to add by default Signature Text on every blog post,this is not only for new post it will also add signature on old post.You are not technical no worry,just follow the instruction below
Steps To Add Signature On Every blog post
Step 1. Login to your blogger account > Dashboard > Template > then press Edit HTML
Step 2. After Edit HTML Click anywhere inside the code and press ( Ctrl + F ) a search bar will open
Step 3. Find the code in HTML search bar <div class='post:footer'>
Step 4. Just above <div class='post-footer'> Place the following code:

<style type="text/css">
.hbz-signature {
     font-size: 18px;
     font-family: Poppins,fantasy;
     text-shadow: 5px 2px 2px #dddddd;
     margin-top : 10px;
     text-color: #fff;
     text-align: center;
}
.hbz-signature span {
     font-size: 14px;
     vertical-align: top;
}
    </style>
    <div class="hbz-signature"><span>By</span> Your Name or Any text you want in footer</div>

For adding image signature first take picture of your signature and get URL of picture.Now question is how to get URL,not to wory about its quite easy way is just add Signature image in blog post and publish the post,then open the post right click on signature image select View Image Info.A dialogue box will open just copy the highlighted URL and paste in the code

Steps To Add Signature IMAGE After Every blog post
Step 1. Login to your blogger account > Dashboard > Template > then press Edit HTML
Step 2. After Edit HTML Click anywhere inside the code and press ( Ctrl + F ) a search bar will open
Step 3. Find the code in html search bar <div class='post:footer'>
Step 4. Just above <div class='post-footer'> Place the following code:

   <style type="text/css">
.hbz-signature {
     margin-top: 30px;
}
.hbz-signature img {
     background: transparent none repeat scroll 0% 0%;
     border: medium none;
     box-shadow: none;
}
    </style>
    <div class="hbz-signature"><img src="Your Signature Image URL"  alt="Your Image Name"/></div>

Coment if you found any issue

ہر دھڑکن ہیجانی تھی ہر خاموشی طوفانی تھی
پھر بھی محبت صرف مسلسل ملنے کی آسانی تھی

جس دن اس سے بات ہوئی اس دن بھی بے کیف تھا میں
جس دن اس کا خط آیا ہے اس دن بھی ویرانی تھی

جب اس نے مجھ سے یہ کہا تھا عشق رفاقت ہی تو نہیں
تب میں نے ہر شخص کی صورت مشکل سے پہچانی تھی

جس دن وہ ملنے آئی ہے اس دن کی روداد یہ ہے
اس کا بلا ءوز نارنجی تھا اسکی ساڑی دھانی تھی

الجھن سی ہونے لگتی تھی مجھکو اکثر اور وہ یوں
میرا مزاج ِ عشق تھا شہری اس کی وفا دہقانی تھی

اب تو اس کے بارے میں تم جو چاہو وہ کہہ ڈالو
وہ انگڑائی میرے کمرے تک تو بڑی روحانی تھی

نام پہ ہم قربان تھے اس کے لیکن پھر یہ طور ہوا
اس کے دیکھ کے رک جانا بھی سب سے بڑی قربانی تھی

مجھ سے بچھڑ کر بھی وہ لڑکی کتنی خوش رہتی ہے
اس لڑکی نے مجھ سے بچھڑ کر مر جانے کی ٹھانی تھی

عشق کی حالت کچھ بھی نہیں تھی بات بڑھانےکافن تھا
لمحے لافانی ٹھہرے تھے قطروں کی طغیانی تھی

جس کو خود میں نے بھی اپنی روح کا عرفاں سمجھا تھا
وہ تو شاید میرے پیاسے ہونٹوں کی شیطانی تھی

تھا دربار کلاں بھی اس کا نوبت خانہ بھی اسی کا تھا
تھی میرے دل کی رانی امروہے کی رانی تھی

 گمان -جون ایلیا(Jun Elia)

مہک سے اپنی گلِ تازہ مست رہتا ہے
وہ رنگِ رُخ ہے کہ خود غازہ مست رہتا ہے
نگاہ سے کبھی گزرا نہیں وہ مست انداز
مگر خیال سے، اندازہ مست رہتا ہے
کہاں سے ہے رسدِ نشہ، اس کی خلوت میں
کہ رنگِ مست کا اندازہ مست رہتا ہے
یہاں کبھی کوئی آیا نہیں، مگر سرِ شام
بس اک گمان سے دروازہ مست رہتا ہے
مجھے خیال کی مستی میں کس کا اندازہ
خدا نہیں جو باندازہ مست رہتا ہے

 گمان -جون ایلیا(Jun Elia)

 کب پتا یار کو ہم اپنے لکھا کرتے ہیں
جانے ہم خود میں کہ نا خود میں رہا کرتے ہیں

اب تم شہر کے آداب سمجھ لو جانی
جو مِلا ہی نہیں کرتے وہ مِلا کرتے ہیں

جہلا علم کی تعظیم میں برباد گئے
جہل کا عیش جو ہے وہ علما کرتے ہیں

لمحے لمحے میں جیو جان اگر جینا ہے
یعنی ہم حرصِ بقا کو بھی فنا کرتے ہیں

جانے اس کوچۂ حالت کا ہے کیا حال کہ ہم
اپنے حجرے سے بہ مشکل ہی اُٹھا کرتے ہیں

میں جو کچھ بھی نہیں کرتا ہوں یہ ہے میرا سوال
اور سب لوگ جو کرتے ہیں وہ کیا کرتے ہیں

اب یہ ہے حالتِ احوال کہ اک یاد سے ہم
شام ہوتی ہے تو بس رُوٹھ لیا کرتے ہیں

جس کو برباد کیا اس کے فدا کاروں نے
ہم اب اس شہر کی رُوداد سنا کرتے ہیں

شام ہو یا کہ سحر اب خس و خاشاک کو ہم
نذرِ پُر مایگیِ جیبِ صبا کرتے ہیں

جن کو مُفتی سے کدورت ہو نہ ساقی سے گِلہ
وہی خوش وقت مری جان رہا کرتے ہیں

ایک پہنائے عبث ہے جسے عالم کہیے
ہو کوئی اس کا خدا ہم تو دعا کرتے ہیں

 گمان -جون ایلیا(Jun Elia)

 عیشِ اُمید ہی سے خطرہ ہے
 دل کو اب دل دہی سے خطرہ ہے
ہے کچھ ایسا کہ اس کی جلوت میں
 ہمیں اپنی کمی سے خطرہ ہے
جس کے آغوش کا ہوں دیوانہ
 اس کے آغوش ہی سے خطرہ ہے
یاد کی دھوپ تو ہے روز کی بات
 ہاں مجھے چاندنی سے خطرہ ہے
ہے عجب کچھ معاملہ درپیش
 عقل کو آگہی سے خطرہ ہے
شہر غدار جان لے کہ تجھے
 ایک امروہوی سے خطرہ ہے
ہے عجب طورِ حالتِ گریہ
 کہ مژہ کو نمی سے خطرہ ہے
حال خوش لکھنو کا دلّی کا
 بس انہیں مصحفی سے خطرہ ہے
آسمانوں میں ہے خدا تنہا
 اور ہر آدمی سے خطرہ ہے
میں کہوں کس طرح یہ بات اس سے
 تجھ کو جانم مجھی سے خطرہ ہے
آج بھی اے کنارِ بان مجھے
 تیری اک سانولی سے خطرہ ہے
ان لبوں کا لہو نہ پی جاؤں
 اپنی تشنہ لبی سے خطرہ ہے
جونؔ ہی تو ہے جونؔ کے درپے
 میر کو میر ہی سے خطرہ ہے
اب نہیں کوئی بات خطرے کی
 ان سبھی کو سبھی سے خطرہ ہے

 گمان -جون ایلیا(Jun Elia)

دل جو دیوانہ نہیں آخر کو دیوانہ بھی تھا
 بھُولنے پر اس کو جب آیا تو پہچانا بھی تھا
جانیے کس شوق میں رشتے بچھڑ کر رہ گئے
 کام تو کوئی نہیں تھا پر ہمیں جانا بھی تھا
اجنبی سا ایک موسم ایک بے موسم سی شام
 جب اُسے آنا نہیں تھا جب اُسے آنا بھی تھا
جانیے کیوں دل کی وحشت درمیاں میں آ گئی
 بس یونہی ہم کو بہکنا بھی تھا بہکانا بھی تھا
اک مہکتا سا وہ لمحہ تھا کہ جیسے اک خیال
 اک زمانے تک اسی لمحے کو تڑپانا بھی تھا

 گمان -جون ایلیا(Jun Elia)

چلو بادِ بہاری جا رہی ہے
پِیا جی کی سواری جا رہی ہے

شمالِ جاودانِ سبز جاں سے
تمنا کی عماری جا رہی ہے

فغاں اے دشمنی دارِ دل و جاں
مری حالت سُدھاری جا رہی ہے

جو اِن روزوں مرا غم ہے وہ یہ ہے
کہ غم سے بُردباری جا رہی ہے

ہے سینے میں عجب اک حشر برپا
کہ دل سے بے قراری جا رہی ہے

میں پیہم ہار کر یہ سوچتا ہوں
وہ کیا شے ہے جو ہاری جا رہی ہے

دل اُس کے رُوبرو ہے اور گُم صُم
کوئی عرضی گزاری جا رہی ہے

ہے پہلو میں ٹَکے کی اک حسینہ
تری فرقت گزاری جا رہی ہے

وہ سیِّد بچّہ ہو اور شیخ کے ساتھ
میاں عزّت ہماری جا رہی ہے

ہے برپا ہر گلی میں شورِ نغمہ
مری فریاد ماری جا رہی ہے

وہ یاد اب ہو رہی ہے دل سے رخصت
میاں پیاروں کی پیاری جا رہی ہے

دریغا! تیری نزدیکی میاں جان
تری دوری پہ واری جا رہی ہے

بہت بدحال ہیں، بستی، ترے لوگ
تو پھر تُو کیوں سنواری جا رہی ہے

تری مرہم نگاہی اے مسیحا!
خراشِ دل پہ واری جا رہی ہے

خرابے میں عجب تھا شور برپا
دلوں سے انتظاری جا رہی ہے

 گمان -جون ایلیا(Jun Elia)

نہیں نباہی خوشی سے غمی کو چھوڑ دیا
تمہارے بعد بھی میں نے کئی کو چھوڑ دیا
ہوں جو بھی جان کی جاں وہ گمان ہوتے ہیں
سبھی تھے جان کی کی جاں اور سبھی کو چھوڑ دیا
شعور ایک شعورِ فریب ہے سو تو ہے
غرض کہ آگہی، ناآگہی کو چھوڑ دیا
خیال و خواب کی اندیشگی کے سُکھ جھیلے
خیال و خواب کی اندیشگی کو چھوڑ دیا

 گمان -جون ایلیا(Jun Elia)

 عجب حالت ہماری ہو گئی ہے
یہ دنیا اب تمہاری ہو گئی ہے
سخن میرا اداسی ہے سرِ شام
جو خاموشی پہ طاری ہو گئی ہے
بہت ہی خوش ہے دل اپنے کیے پر
زمانے بھر میں خواری ہو گئی ہے
وہ نازک لب ہے اب جانے ہی والا
مری آواز بھاری ہو گئی ہے
دل اب دنیا پہ لعنت کر کہ اس کی
بہت خدمت گزاری ہو گئی ہے
یقیں معذور ہے اب اور گماں بھی
بڑی بے روزگاری ہو گئی ہے
وہ اک بادِ شمالی رنگ جو تھی
شمیم اس کی سواری ہو گئی ہے
مرے پاس آ کے خنجر بھونک دے تو
بہت نیزہ گزاری ہو گئی ہے

 گمان -جون ایلیا(Jun Elia)

اک دل ہے جو ہر لمحہ جلانے کے لیے ہے
 جو کچھ ہے یہاں آگ لگانے کے لیے ہے
اک بات ہی کہنی ہے مجھے تجھ سے، بس اک بات
 اس شہر میں تُو صرف گنوانے کے لیے ہے
ہر شخص مری ذات سے جانے کے لیے تھا
 تُو بھی تو مری ذات سے جانے کے لیے ہے
جو رنگ ہیں سہہ لے انہیں جو رنگ ہیں سہہ لے
 یاں جو بھی ہنر ہے وہ کمانے کے لیے ہے
بودش جو ہے وہ ایک تماشہ ہے گماں کا
 ہے جو بھی حقیقت وہ فسانے کے لیے ہے
ہنسنے سے کبھی خوش نہیں ہوتا ہے میرا دل
 یاں مجھ کو ہنسانا بھی رُلانے کے لیے ہے
قاتل کو مرے مجھ سے نہیں ہے کوئی پَرخاش
 قاتل تو مرا رنگ جمانے کے لیے ہے

 گمان -جون ایلیا(Jun Elia)

دل گماں تھا گمانیاں تھے ہم
ہاں میاں داستانیاں تھے ہم
ہم سنے اور سنائے جاتے تھے
رات بھر کی کہانیاں تھے ہم
جانے ہم کس کی بود کا تھے ثبوت
جانے کس کی نشانیاں تھے ہم
چھوڑتے کیوں نہ ہم زمیں اپنی
آخرش آسمانیاں تھے ہم
ذرہ بھر بھی نہ تھی نمود اپنی
اور پھر بھی جہانیاں تھے ہم
ہم نہ تھے ایک آن کے بھی مگر
جاوداں جاودانیاں تھے ہم
روز اک رن تھا تیر و ترکش بن
تھے کمیں اور کمانیاں تھے ہم
ارغوانی تھا وہ پیالۂ ناف
ہم جو تھے ارغوانیاں تھے ہم
نار پستان تھی وہ قتالہ
اور ہوس درمیانیاں تھے ہم
ناگہاں تھی اک آن آن کہ تھی
ہم جو تھے ناگہانیاں تھے ہم

 گمان -جون ایلیا(Jun Elia)