Mehk Se Apni Gul e Taza Mast Rehta He

مہک سے اپنی گلِ تازہ مست رہتا ہے
وہ رنگِ رُخ ہے کہ خود غازہ مست رہتا ہے
نگاہ سے کبھی گزرا نہیں وہ مست انداز
مگر خیال سے، اندازہ مست رہتا ہے
کہاں سے ہے رسدِ نشہ، اس کی خلوت میں
کہ رنگِ مست کا اندازہ مست رہتا ہے
یہاں کبھی کوئی آیا نہیں، مگر سرِ شام
بس اک گمان سے دروازہ مست رہتا ہے
مجھے خیال کی مستی میں کس کا اندازہ
خدا نہیں جو باندازہ مست رہتا ہے

 گمان -جون ایلیا(Jun Elia)

💌 Enjoyed this post? Never miss out on future posts by following us via email.