شاخ پر خونِ گل رواں ہے وہی

غزل

شاخ پر خونِ گل رواں ہے وہی

شوخیِ رنگِ گلستاں ہے وہی

سروہی ہے تو آستاں ہے وہی

جاں وہی ہے تو جانِ جاں‌ہے وہی

اب جہاں مہرباں نہیں کوئی

کوچہء یارِ مہرباں ہے وہی

برق سو بار گر کے خاک ہوئی

رونقِ خاکِ آشیاں ہے وہی

آج کی شب وصال کی شب ہے

دل سے ہر روز داستاں ہے وہی

چاند تارے ادھر نہیں آتے

ورنہ زنداں میں‌ آسماں ہے وہی

منٹگمری جیل

💌 Enjoyed this post? Never miss out on future posts by following us via email.