وہ عہدِ غم کی کاہشہائے بے حاصل کو کیا سمجھے

وہ عہدِ غم کی کاہشہائے بے حاصل کو کیا سمجھے

جوان کی مختصر روداد بھی صبر آزما سمجھے

یہاں وابستگی، واں برہمی، کیا جانیے کیوں ہے؟

نہ ہم اپنی نظر سمجھے نہ ہم اُن کی ادا سمجھے

فریبِ آرزو کی سہل انگاری نہیں جاتی

ہم اپنے دل کی دھڑکن کو تری آوازِ پا سمجھے

تمہاری ہر نظر سے منسلک ہے رشتہء ہستی

مگر یہ دور کی باتیں کوئی نادان کیا سمجھے

نہ پوچھو عہدِ الفت کی، بس اک خوابِ پریشاں تھا

نہ دل کو راہ پر لائے نہ دل کا مدعا سمجھے

💌 Enjoyed this post? Never miss out on future posts by following us via email.