ناگہاں آج مرے تارِ نظر سے کٹ کر​

ختم ہوئی بارشِ سنگ

​

ناگہاں آج مرے تارِ نظر سے کٹ کر​

ٹکڑے ٹکڑے ہوئے آفاق پہ خورشید و قمر​

اب کسی سَمت اندھیرا نہ اُجالا ہوگا​

بُجھ گئی دل کی طرح راہِ وفا میرے بعد​

دوستو! قافلۂ درد کا اب کیا ہوگا​

اب کوئی اور کرے پرورشِ گلشنِ غم​

دوستو ختم ہوئی دیدۂ تر کی شبنم​

تھم گیا شورِ جنوں ختم ہوئی بارشِ سنگ​

خاکِ رہ آج لئے ہے لبِ دلدار کا رنگ​

کُوئے جاناں میں کُھلا میرے لہو کا پرچم​

دیکھئے دیتے ہیں کِس کِس کو صدا میرے بعد​

’’کون ہوتا ہے حریفِ مَے مرد افگنِ عشق​

ہے مکرّر لبِ ساقی پہ صلا میرے بعد‘‘​