ساری دیوار سیہ ہوگئی تا حلقۂ دام​

ملاقات مری

ساری دیوار سیہ ہوگئی تا حلقۂ دام​

راستے بجھ گئے رُخصت ہُوئے رہ گیر تمام​

اپنی تنہائی سے گویا ہوئی پھر رات مری​

ہو نہ ہو آج پھر آئی ہے ملاقات مری​

اک ہتھیلی پہ حِنا ، ایک ہتھیلی پہ لُہو​

اک نظر زہر لئے ایک نظر میں دارو​

دیر سے منزلِ دل میں کوئی آیا نہ گیا​

فرقتِ درد میں بے آب ہُوا تختۂ داغ​

کس سے کہیے کہ بھرے رنگ سے زخموں کے ایاغ​

اور پھر خود ہی چلی آئی ملاقات مری​

آشنا موت جو دشمن بھی ہے غم خوار بھی ہے​

وہ جو ہم لوگوں کی قاتل بھی ہے دلدار بھی ہے